डिस्चार्जच्या तुलनेत कोरोनाबाधितांची संख्या वाढत आहे : अजित पवार

पुणे : राज्यातील कोरोबाधितांच्या संख्येत चिंताजनक वाढ होत असून राज्य सरकार अनेक ठिकाणी लॉकडाउन करण्यासंबंधी विचार करत आहे. 

डिस्चार्ज मिळणाऱ्यांच्या तुलनेत कोरोनाबाधितांची संख्या जास्त असणे चिंतेची बाब असल्याचे उपमुख्यमंत्री अजित पवार यांनी म्हटले आहे. स्थानिक प्रशासनाला लॉकडाउनची मुभा देण्यात आल्याचे यावेळी त्यांनी स्पष्ट केले आहे. 

अजित पवारांनी शिवजंयतीनिमित्त शिवनेरी गडावर प्रसारमाध्यमांशी संवाद साधला, त्यावेळी ते बोलत होते. अजित पवार वाढत्या रुग्णसंख्येवर बोलताना म्हणाले की, मी जिल्हाधिकाऱ्यांशी आत्ताच बोललो असून आपल्याला तातडीने बैठक घ्यावी लागेल, असे सांगितले.