Covid-19 Pandemic 2nd Wave | कोरोनाची दुसरी लाट कधी संपेल? तज्ञांचा आशादायक अंदाज

116
COVID IN MAHARASHTRA

नवी दिल्ली: भारतातील कोरोनाव्हायरसची दुसरी लाट मंदावते आहे. नवीन केसेस कमी झाल्याने रूग्णांची संख्या कमी होऊ लागली आहे. परंतु असे असूनही तज्ञांचे म्हणणे आहे की कोरोनाची दुसरी लाट (Covid-19 Pandemic) संपण्यास वेळ लागेल.

भारतात कोरोनाची प्रकरणे कमी होत असली तरी, दुसरी लाट पूर्णपणे ओसरण्यासाठी काही महिने लागतील आणि जुलैपर्यंत चालू राहतील, असे संसर्गजन्य रोग तज्ज्ञ आणि विषाणूशास्त्रज्ञ शाहिद जमील सांगतात. एका ऑनलाइन कार्यक्रमात शाहिद जमील बोलत होते.

‘कोरोना’ची दुसरी लाट शिगेपर्यंत पोहोचली आहे. ते म्हणाले की दुसर्‍या लाटेत संसर्ग होण्याचे प्रमाण कमी होत असले तरी सध्या त्यावर नियंत्रण ठेवणे सोपे नव्हते. यास बराच काळ लागेल. आणखी काही दिवस दररोज वाढत्या संख्येचा सामना करावा लागणार आहे.

आज मंत्रिमंडळाच्या बैठकीत निर्णय : महाराष्ट्रात लॉकडाऊन 15 मेपासून वाढेल का?

आपण पहिल्या लाटेमध्ये संक्रमणाच्या संख्येत घट असल्याचे पाहिले. परंतु त्यानंतर संसर्ग झालेल्या लोकांची संख्या पूर्वीपेक्षा जास्त आहे. पहिल्या लाटेत सर्वाधिक रुग्णांची संख्या 96000-97000 हजार होती. तर यावेळी ही संख्या 4 लाखाहून अधिक आहे. कोरोना रूग्णांची संख्या सध्या खूप जास्त आहे. त्यामुळे अधिक वेळ लागेल, असे जमील यांनी सांगितले.

केंद्रीय आरोग्य मंत्रालयाच्या मते, गेल्या तीन दिवसांत भारतात कोरोनाचे प्रमाण कमी झाले आहे. 9 मे रोजी जाहीर केलेल्या आकडेवारीनुसार देशभरात 24 तासांत 4 लाखाहून अधिक प्रकरणे नोंदवली गेली. 10 मे रोजी देशभरात 3.66 लाख नवीन प्रकरणे नोंदविण्यात आली, 11 मे रोजी 3.29 लाख आणि 12 मे रोजी 3.48 लाख नवीन रुग्ण संख्या नोंदली गेली आहे.

LEAVE A REPLY

Please enter your comment!
Please enter your name here