Crime News | अनैतिक संबंधांच्या संशयातून एकाची हत्या

116

नागपूर : नात्यात अनैतिक संबंधाचा संशय एकदा डोक्यात घर करू लागला कि, या नात्यात गुन्हा हमखास घडतो. 

आपल्या पतींच्या अनैतिक संबंधांच्या संशयातून एकाची हत्या करून फरार होणाऱ्याला स्थानिक गुन्हे शाखेने मध्य प्रदेशातून अटक केली आहे. रायसिंग भागीरथ मेवाडा (रा. सावंगा) असे आरोपीचे नाव आहे. 

त्याच्यावर वसंतराव गोविंदराव पुसदकर (वय ५१, रा. सावंगा) यांच्या हत्येचा आरोप आहे. रायसिंगला त्याच्या पत्नीवर संशय होता. 

पुसदकर यांचे आपल्या पत्नीसोबत अनैतिक संबंध असल्याचा संशय त्याला होता. त्यामुळे त्याने पुसदकरचा काटा काढण्याचे ठरविले. त्याने त्याच्यावर चाकूने वार केले. यात त्यांचा मृत्यू झाला.

घटनेनंतर रायसिंग फरार झाला. पोलिसांनी त्याच्यावर गुन्हा दाखल करून त्याचा शोध सुरू केला. घटनेचे गांभीर्य लक्षात घेता स्थानिक गुन्हे शाखेनेसुद्धा याप्रकरणाचा समांतर तपास सुरू केला.

मेवाडा त्याच्या परिवारासह मध्य प्रदेशातील धार जिल्ह्यातील पिथमपूर येथे राहत असल्याची माहिती स्थानिक गुन्हे शाखा पोलिसांना मिळाली. या माहितीच्या आधारावर पोलिसांनी पिथमपूर गाठले व मेवाडाला अटक केली.

आरोपीने सुरुवातीला त्याने उडावीउडवीची उत्तरे दिली. मात्र, पोलिसी हिसका दाखविताच त्याने खुनाची कबुली दिली. गुन्हे शाखेचे पोलीस निरीक्षक अनिल जिट्टावार आणि त्यांच्या चमुने ही कारवाई केली.

LEAVE A REPLY

Please enter your comment!
Please enter your name here