संगमनेरमध्ये जमावाचा पोलिसांवर हल्ला, पोलीस चौकीसह गाड्यांची तोडफोड

285
संगमनेरमध्ये पोलिसांवर हल्ला, पोलीस चौकीसह गाड्यांची तोडफोड

संगमनेर : कोरोना संसर्गाच्या पार्श्वभूमीवर सर्व ठिकाणी संचारबंदी लागू आहे. त्यामुळे गर्दी करण्यास सक्त मनाई आहे. मात्र, अहमदनगर जिल्ह्यातील संगमनेर शहरात पोलिसांनी गर्दी करण्यास मनाई केल्याने जमावाने थेट पोलिसांवरच दगडफेक करत हल्ला केल्याची धक्कादायक घटना घडली आहे. 

संगमनेर शहरात जमावाने पोलिसांवर हल्ला केल्याची घटना घडली आहे. संचार बंदी काळात गस्त घालत असताना दिल्ली नाका परिसरात गुरुवारी (दि.6 मे) संध्याकाळी साडेसहाच्या सुमारास हा प्रकार घडला आहे. 

या प्रकरणी सहा जणांसह अज्ञात जमावाविरोधात गुन्हा दाखल करण्यात आला आहे. या हल्ल्याचे आणि गर्दीचे व्हिडीओ सोशल मीडियावर व्हायरल झाले आहेत.

संगमनेरमध्ये संचार बंदी काळात पोलीस गस्त घालत होते. यावेळी दिल्ली नाका परिसरात जमावाने पोलिसांवर दगडफेक केली. या जमावाने पोलिसांनी तात्पुरत्या उभारलेल्या चेकनाक्याचीही तोडफोड केली.

Ahmednagar

पोलिसांना गस्त घालत असताना काही लोक गर्दी करुन उभे असल्याचं दिसले. यावेळी जमाव बंदीचा आदेश असताना गर्दी का केली अशी विचारणा करत पोलिसांनी त्यांना हटकले. तसेच पोलिसांनी त्यांना घरी जाण्यास सांगितले असता त्यांच्यात शाब्दिक वाद झाले.

मात्र यामुळे जमाव अचानक आक्रमक झाला आणि त्यांनी पोलिसांवर हल्ला करत दगडफेक केली. तसंच परिसरात उभारलेल्या चेकनाक्याची नासधूसही जमावाने केली.

सदरील जमावाने पोलिसांना धक्काबुक्की करत मारहाण केली. तर जमावाने पोलीस कर्मचाऱ्यांचा पाठलाग केल्याचे व्हिडीओमध्ये दिसत आहे. या प्रकरणी पोलिसांनी काही जणांविरोधात गुन्हा दाखल केला आहे.

दरम्यान या घटनेनंतर पोलिसांनी सर्च ऑपरेशन सुरु केले असून परिसरातील सीसीटीव्ही फूटेज ताब्यात घेतले आहे. यामधून काही जणांची ओळख पटली असून विविध कलमानुसार गुन्हा दाखल केल्याची माहिती उपविभागीय आयुक्त राहुल मदने यांनी दिली आहे.

LEAVE A REPLY

Please enter your comment!
Please enter your name here