गणिताचा खेळखंडोबा | ५९ ग्रामपंचायतींची निवडणूक झाली आणि पक्षांची ‘आकडेमोड’ ८३ ग्रामपंचायतींची !

कळंब : सार्वत्रिक ग्रामपंचायत निवडणुकीचे आज (दि.१८) निकाल लागले विजयी उमेदवारांनी व कार्यकर्त्यांनी जल्लोष केला. गुलाल उधळला आणि इकडे प्रमुख पक्षाचे तालुकाध्यक्ष मात्र गोळाबेरीज करत होते.

उस्मानाबाद जिल्ह्यात मात्र राजकीय पक्षांचा हिशोब एवढा भयंकर होता कि, निवडणूक झाली ५९ ग्रामपंचायतीची आणि पक्षांनी दावा केला ८३ जागांचा ! 

पक्षांनी केलेली आकडेमोड गणिताचा खेळखंडोबा असल्याचे सांगत सोशल मिडीयावर एकमेकांना ट्रोल केले जात आहे. तर एकमेकांचे विरोधक आकडेमोड कशी चुकली हे सांगत आहेत.

या गोळाबेरीज बाहेर आल्या त्यावेळी अनुक्रमे राष्ट्रवादी – 8 शिवसेना – 31, भाजप – 35, बहुजन वंचित आघाडी – 7 व सदस्य 80 काँग्रेस – 2 असे दावे केले जात आहेत.

त्यामुळे शिवसेना व भाजप मध्ये चांगलीच जुंपली असून नेटकऱ्यांना चांगलीच करमणूक झाली आहे. प्रत्यक्षात ५९ ग्रामपंचायतसाठी निवडणूक पार पडली आहे.