महाराष्ट्रात लॉकडाऊनचे निर्बंध शिथिल; काय सुरु आणि काय बंद जाणून घ्या ?

ठाकरे सरकारने राज्यातील लोकांना कोरोनाच्या निर्बंधांपासून मोठा दिलासा दिला आहे आणि अनलॉकबाबत नवीन नियम जारी केले आहेत. (Lockdown restrictions relaxation in Maharashtra)

महाविकास आघाडी सरकारने निर्बंध शिथिल करताना राज्यातील २५ जिल्ह्यांना मोठा दिलासा दिला आहे. सोबतच राज्यातील वीकेंड लॉकडाऊनमध्येही दिलासा दिला आहे.

४ ऑगस्टपासून नवी नियमावली लागू होणार आहे. नव्या नियमावलीनुसार राज्यात सोमवार ते शुक्रवार रात्री 8 वाजेपर्यंत सर्व दुकाने सुरु राहणार आहेत.

• विवाहाला कुटुंबीयांचा विरोध असल्याने प्रेमभंगातून प्रेमी युगलाची गळफास लावून आत्महत्या !

मात्र निर्बंधांमधून कोरोना रुग्ण संख्या जास्त असलेल्या ११ जिल्ह्यांना दिलासा देण्यात आलेला नाही. रुग्णसंख्या जास्त असलेल्या ११ जिल्ह्यांमध्ये तिसऱ्या टप्प्यातील निर्बंध कायम ठेवले आहेत.

या 11 जिल्ह्यांमध्ये निर्बंध कायम राहणार आहेत. यामध्ये सांगली, सातारा, कोल्हापूर, पुणे, बीड, अहमदनगर, रत्नागिरी, सिंधुदुर्ग, रायगड, पालघर, सोलापूर या जिल्ह्यांचा समावेश आहे.

नव्या नियमावलीनुसार शॉपिंग मॉलसह सर्व दुकाने सोमवार ते शुक्रवार रात्री 8 वाजेपर्यंत, तर शनिवारी दुपारी 3 वाजेपर्यंत सुरु राहतील. रविवारी दुकाने, मॉल बंद राहतील.

सर्व शासकीय आणि खासगी कार्यालये पूर्ण क्षमतेने कार्यरत ठेवता येणार आहेत. मात्र शक्य असेल्यास वर्क फ्रॉम होम सुरु ठेवण्याची देखील सोय आहे.

• राज्यातील 25 जिल्ह्यांमध्ये निर्बंध शिथिल; मात्र या जिल्ह्यांना दिलासा नाही : आरोग्यमंत्र्यांची माहिती

सर्व कृषी उपक्रम, बांधकामे, औद्योगिक कामे, माल वाहतूक पूर्ण क्षमतेने सुरु करता येणार आहे. व्यायामशाळा, योग केंद्रे, हेअर कटिंग सलून, ब्युटी पार्लर, स्पा सुरु 50 टक्के क्षमतेने काम करू शकणार आहेत.

मात्र एसीचा वापर करता येणार नाही. रविवारी ही सेवा बंद राहणार आहे. सर्व चित्रपटगृहे, नाट्यगृहे आणि मल्टिप्लेक्स (स्वतंत्र आणि मॉलच्या आतील) पुढील आदेश येईपर्यंत बंद राहतील.

राज्य शिक्षण विभागाचे आदेश शाळा आणि महाविद्यालयांसाठी लागू राहतील. राज्यातील सर्व मंदिरे, प्रार्थनास्थळे पुढील आदेशापर्यंत बंद राहतील.

पुणे, कोल्हापूर, सांगली, सातारा, रत्नागिरी, सिंधुदुर्ग, सोलापूर, नगर, बीड, रायगड, पालघर या ११ जिल्ह्य़ांतील निर्बंध कायम राहणार आहेत.

• खासगी शाळांच्या फीमध्ये कपात | कोरोनामुळे अडचणीत आलेल्या पालकांना मोठा दिलासा !

या जिल्ह्य़ांमध्ये सध्याच्या नियमानुसार दुकाने दुपारी ४ पर्यंतच खुली राहतील. तसेच मॉल्स बंद राहतील. तिसऱ्या स्तराचे निर्बंध या जिल्ह्य़ांमध्ये कायम राहणार आहेत.

त्यांच्यासाठी कोणतीही नवीन सवलती दिलेल्या नाहीत. ११ जिल्ह्य़ांच्या यादीतील सिंधुदुर्ग, सातारा आणि नगर या तीन जिल्ह्य़ांमध्ये दैनंदिन रुग्णसंख्या आणि संसर्गदर जास्त आहे.

त्यामुळे तिथे कडक निर्बंध लागू करण्याचे अधिकार स्थानिक आपत्ती व्यवस्थापनाला देण्यात आले आहेत. दुकानांच्या वेळा वाढविण्यात आल्या असल्या तरी उपाहारगृहांच्या वेळेत बदल करण्यात आलेला नाही.