Maharashtra Corona Update : सलग दुसऱ्या दिवशी दहा हजाराहूंन अधिक रूग्ण, लातूर जिल्ह्यात 69 कोरोनाबाधित रुग्ण

मुंबई : राज्यात आज, शनिवारी सलग दुस-या दिवशी दहा हजाराहूंन अधिक कोरोना बाधित रूग्णांची वाढ झाली. राज्यात आज दिवसभरात 10 हजार 187 नव्या कोरोना बाधित रुग्णांची नोंद झाली तर 47 रुग्णांचा मृत्यू झाला. 

यासह राज्यातील एकूण कोरोना बाधित रुग्णांची संख्या 22 लाखांच्या पुढे गेली आहे. एएनआयने प्रसिद्ध केलेल्या आकडेवारीनुसार, राज्यातील एकूण कोरोना बाधित रुग्णांची संख्या 22 लाख 08 हजार 586 एवढी झाली आहे. त्यापैकी 20 लाख 62 हजार 031 जण कोरोनामुक्त झाले आहेत.

आज दिवसभरात 6 हजार 080 बरे झालेल्या रुग्णांना डिस्चार्ज देण्यात आला. राज्यातील रुग्ण बरे होण्याचे प्रमाण आता 93.36 टक्के झाले आहे.

• Aurangabad Partial Lockdown | औरंगाबाद शहरात अंशतः लॉकडाऊन, काय चालू, काय बंद?

राज्यातील सक्रिय रुग्णांच्या संख्येत वाढ झाली असून सध्या राज्यात एकूण 92 हजार 897 सक्रिय रुग्णांवर उपचार सुरू आहेत. आज दिवसभरात 47 रुग्णांचा मृत्यू झाला.

• Extra Marital Affair of Women : देशात विवाहित महिलांमधील अफेअरचे प्रमाण का वाढतेय? सर्वेक्षणातून धक्कादायक खुलासा

राज्यात आजवर 52 हजार 440 रुग्ण कोरोनामुळे मृत्यूमुखी पडले आहेत. राज्याचा कोरोना मृत्यूदर 2.37 टक्के एवढा आहे. राज्यात 4 लाख 28 हजार 676 जण होम क्वारंटाईन आहेत तर 4 हजार 514 संस्थात्मक क्वारंटाईन आहेत.

सध्या राज्यात पुणे, नागपूर, मुंबई, ठाणे, आकोला, औरंगाबाद, नाशिक या जिल्ह्यात सक्रिय रूग्णांची अधिक आहे.

लातूर जिल्ह्यात 69 कोरोनाबाधित रुग्ण