BodyPositivity च्या माध्यमातून एक नवा विचार | वनिताच्या ‘हॉट’ फोटोचा सोशल मिडीयावर धुमाकूळ

276
वानिताचे हॉट फोटोशुट कमालीचं व्हायरल

जगातील प्रगत देशांमध्येही स्त्रीचे शरीर आणि तिची वेशभुषा यावरुन सतत चर्चा होत असते. अनेकींनी याविरोधात आवाज उठविला आहे.

अंगप्रदर्शन करुन ‘प्रस्थापित’ संस्कृतीरक्षकांना आरसा दाखविणाऱ्याची संख्या मोठी आहे. यात अनेक सेलिब्रेटींचा सहभाग आहे. 

आता यासगळ्यावर सणसणीत उत्तर अभिनेत्री ‘वनिता खरात’ हिनं दिलं आहे. तिचं हॉट फोटोशुट कमालीचं व्हायरल झालं आहे, त्यानंतर पुनः चर्चा सुरु झाली आहे.

मला माझ्या टँलेटवर पूर्ण विश्वास आहे. त्यामुळे विनाकारण मी कुणाला घाबरत नाही. माझ्यात आत्मविश्वास आहे. मी जशी आहे तशी आहे.

विशेष म्हणजे मला सगळ्यात जास्त माझ्या शरीराचा अभिमान आहे. वनितानं सोशल मीडियावर आपल्या अशाप्रकारच्या फोटोशुटसाठी खास हॅशटॅगही वापरला आहे.

आपण जसे आहोत तसे आहोत. जे शरीर आपल्याकडे आहे त्याविषयी आपल्याला अभिमान असायलाचं  हवा. 

त्याबाबत कुणाची भीती बाळगण्याची काहीच कारण नाही. जे कुणी इतरांच्या दबावाला बळी पडत असतील त्यांनी तसे करु नये, असेही म्हटलं आहे. 

#BodyPositivity च्या माध्यमातून एक नवा विचार घेऊन ती चाहत्यांसमोर आली आहे. अर्थात तिच्या या फोटोशुटला अनेकांनी नावे ठेवली आहेत.

वनिताने तिच्या इन्स्टाग्रामवर शेअर केलेला हा बोल्ड फोटो पाहून लोकांच्या भुवया उंचावल्या गेल्या आहेत. पण अशाप्रकारचे फोटोशूट करण्यामागे एक खास कारण असल्याचे तिने तिच्या पोस्टद्वारे सांगितले आहे.

तिने या फोटोद्वारे एक महत्त्वाचा विषय मांडण्याचा प्रयत्न केला आहे. आपल्या वजनाचा न्यूनगंड कुठेही न बाळगता वनिता खरातने हा फोटो शेअर केला आहे.

त्यावरुन तिला ट्रोलही करण्यात आले आहे. तर काहींनी तिच्या अशाप्रकारच्या नव्या भूमिकेचे कौतूकही केले आहे. इंस्टावरील त्या हॉट फोटोशुटमुळे अनेकांच्या भुवया उंचावल्या आहेत.

कोण आहे वनिता 

तुम्हाला शाहिद कपूरचा कबीर सिंग हा चित्रपट आठवतोय त्यात कबीरच्या घरात मोलकरणीचं काम करणारी भूमिका वनितानं साकारली होती.
शाहिद कपूर आणि कियारा अडवाणी यांची मुख्य भूमिका असलेला कबीर सिंग हा चित्रपट चांगलाच गाजला होता. या चित्रपटाची कथा, कलाकारांचा अभिनय प्रेक्षकांना भावला होता.
या चित्रपटातील गाणी तर लोकांनी डोक्यावर घेतली होती. या चित्रपटात शाहिद आणि त्याच्या घरात काम करणाऱ्या मोलकरणीवर चित्रीत करण्यात आलेला एक सीन लोकांना प्रचंड आवडला होता.
शाहिदच्या घरात काम करणाऱ्या मोलकरणीच्या हातून चुकून काचेचा ग्लास फुटतो, त्यावर शाहिद तिच्या मागे मारायला धावतो. घरापासून ते बिल्डिंगच्या प्रवेशद्वारापर्यंत ही मोलकरीण जीव तोडून धावते.
या चित्रपटातील ती मोलकरीण केवळ काहीच दृश्यांसाठी असली तरी ही खमकी मोलकरीण प्रेक्षकांच्या चांगलीच लक्षात राहिली होती. या अभिनेत्रीचे नाव वनिता खरात असून सध्या ती चांगलीच चर्चेत आली आहे.
तिनं नुकतेच एका कॅलेंडरसाठी हॉट फोटोशुट केलं आहे. ते फोटोशुट अनेक गोष्टींना तोंड फोडणारे आहे. जे कोणी महिलांना त्यांच्या कपड्यांमुळे वेगवेगळी लेबल्स लावत असतील त्यांना वनितानं चांगलचं सुनावले आहे.
मुळची मुंबईतील वरळी येथे राहणा-या वनितानं आपल्या अशाप्रकारच्या फोटोशुट मधून  ‘बॉडी पॉझिव्हिटीचा’ संदेश दिला आहे.

LEAVE A REPLY

Please enter your comment!
Please enter your name here