लातूरमध्ये मोराचा मृत्यू, पशुवैद्यकीय अधिकार्‍यांकडून तपासणी

लातूरमध्ये एका शेतात मोराचा मृतदेह आढळल आहे. सध्या देशात अनेक ठिकाणी पक्ष्यांचा मृत्यू होत आहे. तसेच अनेक ठिकाणी बर्ड फ्लू असल्याचे समोर आले आहे. 

या पार्श्वभुमीवर पशुवैद्यकीय अधिकार्‍यांनी घटनास्थळी धाव घेऊन तपासणी केली आहे. अहमदपुर तालुक्यातील कुमठा बु येथील शिवारात  दुपारच्या सुमारास मोराचा मृत्यू झाल्याचे निदर्शनास आले.

येथील शेतकरी संजय उजेडे हे आपल्या शेतात दुपारच्या सुमारास गेले असता तुरीच्या ओळीला मोर मृत्युमुखी पडल्याचे दिसून आले.